一、唔系你嘅财，唔落你嗰袋。
二、屎窟出疮冇眼见，鼻哥生疮在眼前。
三、日头唔好讲人，夜晚唔好讲神。
四、人情归人情，数目要分明。
五、鸡回笼早，天气晴好；鸡回笼迟，大雨将至。
六、事后诸葛亮，事前猪一样。
七、暴穷难抵，暴富难睇。
八、早晚冷，晏昼热，要落雨半个月。
九、宁叫人打仔，莫教人分妻。
一零、行行企企，朝晚几味。
一一、一命二运三风水，四积阴德五读书。
一二、先敬太公，再敬喉咙。
一三、龙驹当瘦马，沉香当烂柴。
一四、又姣又怕痛，见人生仔又眼红。
一五、迟来先上渡，先来唔着数。
一六、是非成日有，唔听自然无。
一七、好女两头瞒，衰女两头搬。
一八、宁欺白须公，莫欺鼻涕虫。
一九、做死老亨，瘾死后生。
二零、惊蛰落雨到清明，清明落雨唔得晴。
二一、回南转北，冷到口唇黑。
二二、未有羊城，先有光孝。未有河南，先有沥滘。
二三、先雷后落，唔够洗镬。
二四、早禾忌北风，晚禾忌雷公。
二五、三长两短，衫长裤短。
二六、趁佢病，攞佢命。
二七、食无时候，居无窦口。
二八、春分唔浸谷，大署冇禾熟。
二九、执输行头，惨过败家。
三零、贱力得人敬，贱口得人憎。
三一、一生儿女债，半世老婆奴。
三二、老鸭冇肉，老禾冇谷。
三三、公不离婆，秤不离砣。
三四、红云上天顶，蓑衣唔离颈。
三五、东山少爷，西关小姐。
三六、同人唔同命，同遮唔同柄。
三七、相见好，同住难。
三八、天养人就释凸，人养人就瘦出骨。
三九、即有点错状元，就冇安错花名。
四零、老亨讲旧时，后生讲鸠屎。
四一、积怨成病，忍气生财。
四二、为老不尊，教坏子孙。
四三、赢粒糖，输间厂。
四四、有尺莫量人短，有口要讲人长。
四五、精人出口，笨人出手。
四六、树摇叶落，人摇福薄。
四七、清晨一杯茶，饿死卖药家。
四八、有姿势，冇实际。
四九、一人有福，带挈成屋。
五零、为人为到底，送佛送到西。
五一、芒种唔浸谷，立夏禾唔熟。
五二、男人最怕入错行，女人最怕嫁错郎。
五三、有仔万事足，无病一身轻。
五四、工夫长过命，几时做得工夫赢。
五五、三代贫农，四代乞儿。
五六、十月火归脏，唔离芥菜汤。
五七、唔信成世裤穿窿，终归有日龙穿凤。
五八、无事献殷勤，一定系奸人。
五九、天起鱼鳞斑，食过饭上山。
六零、船小好掉头，船大好冲浪。
六一、人饿唔怕丑，鸡饿赶唔走。
六二、树老根多，人老罗嗦。
六三、春吹南风晴，北风雨唔停。
六四、亲兄弟，明算帐。
六五、树大有枯枝，族大有乞儿。
六六、八月种番薯，好过四月借米煮。
六七、想富种箩卜，想丑去做贼。
六八、你唔嫌我箩疏，我唔嫌你米碎。
六九、种田妙计，猪屎合塘泥。
七零、自身唔正，教人唔听。
七一、贪威识食，练精学懒。
七二、受人二分四，做到索晒气。
七三、一尺插三棵，唔密又唔疏。
七四、唔干唔净，食咗冇病。
七五、一人计短，二人计长，三人胜过诸葛亮。
七六、见高就拜，见低就踩。
七七、家和万事兴，家衰口唔停。
七八、春分瓜，清明麻。
七九、瘦田冇人耕，耕开有人争。
八零、人多冇好汤，猪多冇好糠。
八一、好心唔得好报，好柴烧烂灶。
八二、细时偷针，大咗偷金。